Regionale ledersamlinger 2024

Vi har gleda av å invitere til regionale leiarsamlingar fredag 29. november til søndag 1. desember. Alle leiarar og nestleiarar i lokallaga er inviterte. Alle lokallag skal få moglegheit til å sende to personar frå sitt styre, so dersom ditt lokallag ikkje har ein nestleiar må de avgjere kven i lokallaget som reiser saman med leiar. Dersom du som lokallagsleiar eller -nestleiar ikkje kan møte, kan du sende ein annan frå lokallaget. Påmelding skjer gjennom Questback. Nedanfor ser du oversikt over kva lokallag som høyrer til kva region. Alle aktive lokallag skal få moglegheit til å sende to personar til regional leiarsamling i den byen tilhøyrande din region. Dersom ditt lokallag ønskjer å sende fleire enn to personar, må de kontakte nokon av oss i leiinga (Iselin, Kaspara eller Joanna), før påmeldingsfristen. Det er ikkje sikkert at ein får innvilga å sende fleire enn to.

Gjennomføring og program

Det vil gå føre seg 4 regionale leiarsamlingar samstundes denne helga på 4 ulike stader i landet, kvar knytt til sin region.  Målet med samlinga er å inspirere og gje fagleg påfyll til alle lokallaga, at de kan bli kjende med kvarandre, utveksle erfaringar og idear for vidare arbeid, og bli litt betre kjent med kva organisasjonen arbeider med. På samlinga vil vi også gå gjennom årsmøteperioden, og de vil få nokre verktøy til korleis promotere og rekruttere. 

Oversiktleg kjem alle dei regionale leiarsamlingane å ha følgjande til å ha bolkar:

• Økonomi
• Årsmøteperioden
• Samarbeid med Utdanningsforbundet
• Verving
• Trygg kurs

Detaljert program til kvar enkelt region vil bli publisert etter påmeldingfristen og innan fredag 22. november.

I dei ulike regionane har lokallaget i byen det vert arrangert, i samband med sin regionsansvarleg, fått i oppdrag å booke rom på campus og få til noko sosialt.

I frå arbeidsutvalet deltek følgjande: 

Region natursti, Kristiansand: Nora Skjellaug, Anniken Lyngvær, Iselin Sande Bakke og Joanna Myhre
Region flytevest og nordlys, Bergen: Stine Sævik Dahl, Anne Therese Matheson Sevle og Kaspara Halkjelsvik

Overnatting

I påmeldinga må du spesifisere om du treng behov for overnatting. Overnatting vil skje på eit hotell i nærleiken av campus, og ein vil bli satt opp på rom med fleire. Skriv difor i påmeldinga kven du ønskjer å sove på rom saman med, eller eventuell anna tilrettelegging. Informasjon om kven du søv på rom med og kvar, kjem etter påmeldingfristen og innan onsdag 20. november.

Reise og utlegg

All informasjon om reise og utlegg finn du i Økonomi­reglement. Gjer deg difor kjent med det om du ikkje allereie er det.  Reise skal som hovudregel vere med miljøvennlege transportmiddel og på mest rimeleg mogleg måte for organisasjonen. Dersom du har behov for fly eller tog, bestillar du dette gjennom reisebestillingsportalen Egencia. Om du ikkje har brukar i Egencia, presiser dette i påmeldingsskjema. Dei som skal reise med buss eller båt, legg ut for billett sjølv og legg inn utlegget i Agresso i etterkant. Vi nyttar so-nummer SO030 Lokallagsskolering til møtehelga. Reise skal bestillast seinast 2 veker før arrangementstart, altså seinast fredag 15. november. 

Måltid

Alle som melder frå om allergi og/eller andre behov i påmeldingsskjema, vil få dette tilrettelagt. Dersom du har gløymt å melde frå om dette i påmeldingsskjemaet, gje beskjed snarast til den ansvarlege for din region. Dersom det er meir enn 4 timar frå du reiser heimanfrå, til det blir servert mat på arrangementet, kan du få dekka diett på reisa di. Det same gjeld på søndag; dersom det er meir enn 4 timar reisetid frå det blir servert mat på arrangementet til du kjem heim, kan du få dekka diett på reisa di. Det står meir om diettsatsar i Økonomi­reglement.